عزبه ابو حسين

الجنسيه عربى من مصر المحروسه
 
الرئيسيةالرئيسية  البوابةالبوابة  التسجيلالتسجيل  دخول  

شاطر
 

 ظافر رجلى اثمن من رقبتك ايها المجاهد الكبر

اذهب الى الأسفل 
كاتب الموضوعرسالة
ابوحسين
Admin
ابوحسين

المساهمات : 13
تاريخ التسجيل : 08/03/2008

ظافر رجلى اثمن من رقبتك ايها المجاهد الكبر Empty
مُساهمةموضوع: ظافر رجلى اثمن من رقبتك ايها المجاهد الكبر   ظافر رجلى اثمن من رقبتك ايها المجاهد الكبر Emptyالسبت مارس 08, 2008 2:03 pm

من شوايه مش كتير كنت عمال ادعبس كالعاده
(( ادور )) يعنى
على الاخبار
وفجاه قريت خبر بيقول
تامر حسني: من يهاجم حفلاتي يقف ضد مصلحة مصر
عنها ولاقيت الدم نطر فى نافوخى ودماغى بقت زى خلاط الاسمنت
عماله توش
ولاقيت نفسى باضرب اخماس فة اسداس
وشويه وكان ح يجلى الضغط
ال الاخ تامر الشهير بتامر وشرين
وصف من يهاجم حفلاته بمحاربة مصر.
يا نهار ابوك مش فايت يا ابو حسين
ده انت لو سكت على الكلام ده تستلف فستان من ام حسين احسن
وتلبس طرحه
وحبيت طبعا افدى نفسى من شر نفسى
واتوكلت على الله
واستعذت من الشيطان وحبيت افهم ايه اصل الكلام
وبعد قراءه متأنيه فى المقال
فهمت ان الاخ تامر قال ان حفلاته احسن من حفلات الست ام كلثوم
فى عدد الحضور
يا نهار اسود
وكمان قال ان
حفلاته المجانيه تجلب للدوله اموالا للمشروعات الخيريه واجهزه للمستشفيات
وكمان قال
أنا أحب مصر، وسأغني في 26 حفلة للناس الغلابة، لأن هذا واجب، علي أن أؤديه،
وقال كمان لا فض فوه
ان اللى بيهجموا حفلاته بيهجموا مصلحه البلد
كده بقى بقت صلصه على راى اللى قال
تامر باشا حصنى (( مش حسنى ))
مش خساره فيك مقاله انشرها فى المدونات والمنتدى
وكمان اللى عايز ينقلها لاى حته يكتب عليها اسمه مبروك عليه

عزيزى تامر اسمع كلمتين حطهم حلقه فى ودانك
مصر يا ابن الحلال مش محتاجه حاجه منك
واحنا عارفين انك ابو الواجب وما يفوتكش اى واجب
يعنى الجيش بتاعك ما رضتش تتجند فيه
معذور ما كنتش فاضى
انا عازرك كنت بتغنى وقتها لحب مصر رائعتك الشهيره
كل مره باجيلك فيها بابقى نفسى اه اه
فقضيت الجيش بتاعك فى بيتكم وواحد صاحبك من شعب مصر اللى بيحبك ضرب لك الشهاده

والتعليم برضه ولا يهمك كنت ساعتها مش فاضى
تذاكر اوم صاحبك برضه
اللى من شعب مصر ضربلك شهاده تانيه
اصل احنا بلد شهادات
والست ام كلثوم ما تحطهاش فى دماغك
ايه يعنى هى غنت لمصر وللعرب ستين سبعين سنه
انت يا بنى عملت فى الخمس سنين اللى فاته اللى ما حدش غيرك عمله
عبد الحليم ايه وام كلثوم ايه
مجهود حربى واغانى وطنيه ايه
ده انت برقبتهم
طب والنبى كده حد غيرك اتكتب له يافطه على الكبارى والشوارع
واحشنا يا تامر
طب عبد الوهاب مثلا
اسف يعنى يا سى تامر للمقارنه الظالمه ايش
جاب لجاب
عبد الوهاب يعنى دخل السجن واستحمل زيك اللى حصل جوه وما اشتكاش
طبعا انت البطل
انت الحب
انت انت ولا انتش دارى
بص بقى يا عم المهم
هما كلمتين
عمك حسين اللى هو ابوى وسيدك وتاج راسك
لانه خدم مصر بجد جندى راجل فى حربين والا تلاته مش فاكر
اصله علمنا ما نقولش ادينا ايه لمصر
وبرضه انا اتعلمت مسالش ايه اديتنا مصر
عمك حسين صرف دم قلبه على انا واخواتى علشان نتعلم واحنا كمان اتعلمنا ونحتنا فى الصخر
ونجحنا واللى ادى لينا الشهاده برضه واحد من شعب مصر بس مش مضروبه
وسيدك اللى هو انا ابو حسين
اتجند فى الجيش ووقف راجل فى عز البرد فى عز الصيف
يدافع عن التراب المصرى
دخل حرب الخليج اه هرب لاء
ليه لانه راجل
شال تراب بلده وخدمها ما هربش من خدمتها ومسالش ايه ادتنا مصر
اللى ظالمها انت وامثالك من اشباه الرجال
عارف يا اد
الزمن اللى احنا عايشينه الان
زمن غريب
عارف امثالك زمان كان بيتعمل فيهم ايه
والا بلاش
فالح بس تقولى البلد والوطن وتغنى وتقول وعيون صاحية تخلى بالها من ارضها
يا راجل اختشى على دمك اوعى تفتكر يا تامر اننا هننسا انك زورت علشان متدخلش الجيش نصيحه يا تامر متجبش سيرة مصر على لسانك وابعد عن الوطن وخليها ماشية معاك فى اغانى الحب ومهما مرت السنين محدش هينسا خيانتك للوطن

و
بص يا واد يا تامر
روح جاهد فى المواخر
فى المساخر
فى اى مصيبه
اعمل حفله
اعمل حوجبك
بس اوعى تعمل فيها راجل على مصر والا تعمل فيها المجاهد الاكبر اللى بيضحى علشان مصر
وبعدين ما يغركش شويه العيال الصيع اللى وراك والا البنات الفاقده اللى بيغمى عليها لم تشوف سحنتك
دول اتفه منك
عارف يا زفت انت لو قارنتك بنفسى
ح الاقى ظفر رجلى المعفن ده اغلى من رقبتك ايها المجاهد الاكبر

اصل الظفر ده بتاع راجل خدم مصر
ولى معاك كلام تانى على اغنيتك المحنه
سيدك ابو حسين
الرجوع الى أعلى الصفحة اذهب الى الأسفل
https://ashrafe.rigala.net
 
ظافر رجلى اثمن من رقبتك ايها المجاهد الكبر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عزبه ابو حسين :: الفئة الأولى :: المنتدى الأول-
انتقل الى: