عزبه ابو حسين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
عزبه ابو حسين

الجنسيه عربى من مصر المحروسه
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخول  

 

 انا وام حسين والفلانتين دى

اذهب الى الأسفل 
كاتب الموضوعرسالة
ابوحسين
Admin
ابوحسين


المساهمات : 13
تاريخ التسجيل : 08/03/2008

انا وام حسين والفلانتين دى Empty
مُساهمةموضوع: انا وام حسين والفلانتين دى   انا وام حسين والفلانتين دى Emptyالأحد مارس 09, 2008 1:16 am

الوليه ام حسين النهارده
كما هى عادتها صباحا وهى تقدم لى سندوتش الصباح

وتعد الواد المقروض حسين للذهاب الى مدرسته
سالتنى السؤال اليومى المعتاد ح نتغدى ايه النهارده
وكما هى عادتها لم تنتظر الاجابه
ايه رايك ناكل فتته لحمه
ضانى
وقبل ان اجيب على رايها
قالت لى ما تنساش تجيب معاك العيش الناشف
طيب يا ستى حاضر
هذا كل كا قلته
المهم اتصلت بى حوالى الثانيه والنصف ظهرا من عملها قائله اوعى تنسى تجيب العيش الناشف
اتكلت على الله وذهبت الى بقاله بجوار المنزل لاشترى العيش الناشف
حتى لا اتحمل غضب ام حسين
فسالنى البائع
عايز بكام يا باش مهندس
رديت قلت له هات اربعه يا سيدى
ونفحته جنيها كاملا
واحرجت ان اساله هو فى باقى
واخدت العيش فى طريقى الى المنزل
فاسرع الرجل الطيب خلفى
وقد ضاعت منه طيبته
ايه يا بيه الباقى
فرحت اوى من شهامه الراجل وكدت اخده فى حضنى تاثرا ومعجبا ان الدنيا لسه فيها ناس جدعه
قلت له يا عم فتحى مش مشكله
رد لى وقد احمرت وجنتيه لاء مشكله
رديت طيب هات
قال لى لاء هات انت
اجيب ايه يا عمى
هو- جنيه كمان
انا ليه
هو الرغيف بنص جنيه
ليه يعنى
ده تمنه
افتح الكيس الغامق لارى حجم الرغيف قد انسخط الى النصف
اعطيه الباقى واعود الى المنزل حائرا
امسك رغيف واضعه بجوار علبه السجائر
اصوره لكم
اسال لما رغيف اد ده يبقى بنصف جنيه امال الرغيف القديم ح يبقى بكام
الرغيف المشبع اياه الذى نسينا شكله
اضع العيش بعيدا وافتح التليفزيون
اشاهد الفضائيه المصريه واحدهم يتحدث عن عيد الفلانتيونو والهدايا الحمراء
حضرت ام حسين تنظر لى شزرا
شفت النهارده ايه اللى بيحصل
اكاد اذوب خجلا لانى لم اقل لها هابى فلانتين
دلوقتى الوليه ح تقول على ايه
اقول لها معليش
تقول لى معليش على ايه والا ايه لنا خلاص زهقت
يا ستى حقك على
- دى عيشه تقصف العمر
- معليش كل سنه وانتى طيبه
تعود ام حسين من الداخل
مسرعه
- ده ينفع اللى بيحصل ده حراااااااااام
اتخلى عن هدوئى المصطنع صائحا
- اعمل لك ايه
- ولا تعمل حاجه لازم تشوف لنا حل تصدق زجاجه الزيت بقت بعشره جنيه
لازم تعمل لينا بطاقه تموين بقى
اترك ام حسين واتجه للشاشه الصغيره واعانات القرى السياحيه تملائها
اقلب فى القنوات اتوقف عند احد الوزراء يتكلم عن ارتفاع معدل التنميه فى مصر الذى يسبق مثيله فى الصين
اقلب المحطه اشاهد اغنيتى المفضله
اخترناه اخترناه وعلشان كده احنا اخترناهانا وام حسين والفلانتين دى 050103hrm_prv
ولا التفت لام حسين عندما تسالتى هو انت كنت بتقولى ليه كل سنه وانتى طيبه
انا وام حسين والفلانتين دى Roseopenانا وام حسين والفلانتين دى Roseopenانا وام حسين والفلانتين دى Roseopenانا وام حسين والفلانتين دى Roseopen
انا وام حسين والفلانتين دى 14_42انا وام حسين والفلانتين دى 14_42انا وام حسين والفلانتين دى 14_42انا وام حسين والفلانتين دى 050103hrm_prv
صوره من بيتنا واى بيت مصرى يوم الفلانتين داى
تحياتى ابو حسين
الرجوع الى أعلى الصفحة اذهب الى الأسفل
https://ashrafe.rigala.net
 
انا وام حسين والفلانتين دى
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
عزبه ابو حسين :: الفئة الأولى :: المنتدى الأول-
انتقل الى: